金庸写《射雕英雄传》，拿时代背景摆拉南宋中期。

此地拣著四部电视劇里个五隻歌，排名综合考虑词曲本身、片子质量搭著个人欢喜——

1. 83版：〈铁血丹心〉

2. 83版：〈一生有你有意义〉

3. 94版：〈绝世绝招〉

4. 03版：〈天地在我心中〉

5. 08版：〈英雄寞〉

另外，94版来拉臺湾首播个辰光，主题歌是〈沙漠寂寞〉。本生想排进top5，啥体又删到只听半分钟呢？因为隻歌勿是特为为著《射雕英雄传》写个，只不过《射雕》引进臺湾个辰光拿李翊君《誓言谎言》专辑里隻歌作为主题歌。侬要讲两者有啥关系，作兴“沙漠寂寞中谁来爱我，你连回忆都不放过我。无路可走也不能回头，你给的温柔都还在骗我。”适合华筝……臺湾重播个辰光〈沙漠寂寞〉又勿用了，难要寻隻片头也寻勿着，网上只有仿制版（点文末个原文链接）。

至于〈沙漠寂寞〉搭同曲异词个〈雨蝶〉啥关系，箇个还是蛮明确个。先有〈沙漠寂寞〉，再有琼瑶为著《还珠格格》重新填词个〈雨蝶〉。